香港冇左仔，只有撈頭妖孽陰謀家


最近香港妖氣沖天，個個都跳出嚟話自己係左仔，個個都講多元化，要人人平等。查實香港呢個殖民地環境邊有左中右，下下都要聽中原撈頭只笛，中原撈頭都係亂鳩咁嚟，香港人只能跟住癡線。香港只有本土利益派同走佬派，長毛一眾係稀有真種，喺報章大肆自稱左仔嘅都係妖孽。妖孽善變化，小說裡邊要金睛火眼嚟識破，現實三次元只能夠靠網絡二次元嚟認證。

左仔騙術1 人人平等
變化成人果陣唔係社會學家，不懂經濟，唔參加社會運動，自身專業非工非文，經濟來源於撈頭，即係中共食客一名。口頭承諾人人平等，宣揚打倒各種霸權。變回原形後就支持專政主義，尊王，將社會資源攬自己嘅褲袋，美其名自己幫助重新分配社會資源。

左仔騙術2 多元化
變化成人果陣支持移民，要求尊重各種文化，要求本地人包容，提出本地人嘅先輩亦係移民嘅論述。變回原形後宣揚本土文化落後，需要外來文化改良代以延續。外來人口多於本地人，本地人應小數服從多數，融入外來人文化。外來人建設嘅城市論功勞，外來人先係城市嘅真主人，本地人如果覺得人口擁擠應該離開。

左仔騙術3 公平競爭
變化成人果陣要求公平分配資源，反對壟斷，要求有最低工資同勞工保障。變回原形後稱有競爭先有進步，大企業就係爲咗保障社會穩定而存在，收編國有有利冇弊，小企業有損國家形象，要整頓取締。裁員係減低成本，加大競爭力。勞工階層若覺得生活升本提高咗難以生活，唔該返鄉下，要懂得東家唔打打西家嘅適者生存道理。

左仔騙術4 言論自由
變化成人果陣要求暢所欲言，結社自由，唔同語言唔同平臺都有監督政府之責。變回原形後就話輿論混亂，需要以官媒爲準，所有質疑聲音都係唯恐天下不亂要管制。任何言論都指責係小數人破壞多數集中民意，企喺廣大人民對立面。

香港人惶恐香港大陸化，成為中國嘅沿岸城市之一。香港人不免自視過高，喺撈頭嘅眼中，香港只係嶺南殖民地嘅一個漁村，香港人講嘢學唔到京腔，唔食餃子，睇見小瀋陽拗頭，邊有資格大陸化？只能有廣州化嘅資格。香港人可以睇下啲廣州而家係點樣衰嘅，就知道自己將嚟會點衰。

-----------------------

http://confedcantonia.blogspot.com/2011 ... st_05.html