脫支之後我哋大粵應該點做？


喺現時支那嘅架構裡頭，粵獨並唔係孤立嘅，我哋內有圖博東土滿洲南蒙香港吳越遙相呼應，外有臺灣美歐日本印度澳洲乃至越南嘅聲援，又點會係孤立無援？我哋粵獨事業係要靠大粵本土上高嘅世居粵人嚟完成，指望南洋嗰啲潮客（至多祇係粵籍人，而唔係我粵族人）嚟關照帶hit我哋本土世居粵人搞粵獨係好無稽嘅。講句唔好聽，我哋粵獨嗰時，佢哋唔好企喺支那嗰邊鬧我哋“反骨”，我哋都經已哦哩吉蒂喇。再講，我哋粵人可以公然企出嚟揸正旗號同支那呢個冚世界嘅現代文明公敵對抗，就呢一點，就足以足以令全世界嘅輿論，民眾同政府對我哋致以崇高嘅敬意！妳睇十四世達賴同圖博嘅獨運，熱比婭同東土嘅獨運，佢哋喺國際上高享有幾高嘅聲望同榮譽！試問，我哋大粵又點可以喺辛苦脫支之後就急著向東南亞列國“施威”呢？噉對我哋介時經已好虛耗嘅國力嘅回復同辛苦爭取返嚟嘅國際美譽都會係一個極大嘅威脅。

當今國際政治關係嘅現實就係：除非妳實力超班，諸如美國，即使橫行霸道國際輿論都唔會太多噉話。但係若然妳祇係二等角色，妳又喺妳嘅周邊有過多露骨嘅搞作，噉妳好快就會變成區域內嘅公敵，美國亦會開始留心妳（雖然未必係壞事），假如妳有得咁大，根基都幾實淨，當然唔怕域內列國嘅猜忌（諸如支那同日本喺東亞，印度喺南亞，印尼喺東南亞，俄羅斯喺東歐，以色列喺中東），但係，我哋脫支獨立之初嘅大粵，國力虛耗，有冇足夠嘅能耐去迎接呢種挑戰？仲有，呢種唔會係單一嚟自東南亞域內嘅挑戰，北邊嘅支那亦都會同時間對我大粵施以重壓，到時，我哋大粵就要被逼面對極其惡劣嘅周邊形勢！

祗要支那一日未徹底瓦解，我哋大粵都唔可以喺支那原領土嘅範疇之外（確切啲講，亦即係東南亞），有過多過份嘅動作，南北雙線腹背受敵，我哋大粵將會陷於萬劫不復！唔好唔記得，當年日德就係敗喺東西受敵夾擊之下！當然，美俄亦都可以算係東西受敵，因為地球係圓嘅，之不過人哋嘅地頭夠大，我哋大粵計埋雲貴，都祇係同日德相若嘅中型領土國家，不可同日而語。

至於“北奪故土”，對我大粵嚟講，根本唔成立，因為，嶺北嘅山地丘陵，就係我哋大粵嘅北界。就算要北伐支那，亦都要打正我大粵民國嘅旗號，以協同幫助楚贛鄂湘武陵等國脫支獨立為名而出師，喺兩湖揚子江中遊一帶扶植幾個親粵嘅衛星國，以屏護我大粵北疆。呢啲地方唔同雲貴，根本冇需要同必要歸併入我粵本土。至於川蜀，就留返畀圖博慢慢享受喇。