大粵民國臨時政府強烈譴責白人美兵同黑人美兵對粵裔美兵嘅種族歧視同種族侵犯暴行！大粵民國臨時政府對粵裔美兵乃至美國粵僑嘅人身同財產安全深切關注！

http://namyuekok.freeforums.org/topic-t4872.html


美國雖然號稱全球最自由最民主嘅埞方，不過就肯定唔算係全球種族主義最冇市場嘅地方。而事實上，對亞裔族群嘅種族歧視同種族侵犯喺美國屢有發生，今年10月，更有一名年僅21歲嘅臺山籍粵裔美兵喺美國駐阿富汗美軍哨所裡頭暴斃，佢嘅死，極有可能係屢遭白人美兵以及黑人美兵侵犯凌辱所致。

對此，大粵民國臨時政府深感悲憤、憂傷、不滿！大粵民國臨時政府強烈譴責白人美兵以及黑人美兵呢啲種族歧視同種族侵犯嘅行徑！並對粵裔美兵乃至美國粵僑嘅人身同財產安全深切關注！

大粵民國臨時政府要求美國政府、美國駐阿富汗美軍即刻徹查事件，以嚴厲軍法懲處8個施暴美兵，還呢個年僅21歲嘅臺山籍粵裔美兵公義！

大粵民國臨時政府同時向呢位粵裔美兵嘅父母致以最深切嘅慰問！

而家美國同歐洲一樣，都係經濟不景，令到美國本土白人嘅生活必然比以往更加艱辛，呢種情形往往就係排外仇外情緒滋生嘅溫床，加之美國素有白人種族至上嘅悠久種族歧視傳統，呢啲都令我哋有足夠理由質疑，今日美國多元文化共存共榮嘅踐行係咪經已出現咗危機？

面對美國粵僑乃至美加粵僑漸趨惡化嘅生存形勢，大粵民國臨時政府深切擔憂，大粵民國臨時政府勸喻我僑美、僑加粵裔民眾提高警覺，保護好自己同家人、乃至同族嘅人身同財產安全。

美國粵僑、加拿大粵僑、美洲粵僑，妳哋嘅祖國政府：大粵民國臨時政府，將永遠都同妳哋喺埋一齊。