“大粵”嘅概念意涵同地理範疇
http://namyuekok.freeforums.org/topic-t4465.html小粵僅限兩廣，甚至乎衹係特指廣東，連海南都唔計。
大粵有兩種，一種係現時支那疆域範疇以內嘅大粵，佢唔單衹包括韓江流域嘅潮汕，興梅，甚至外延到而家兩廣省界之外嘅邊鄙之地，具體包括有福建嘅漳州，龍岩，汀州，廈門（臺灣其實更加有可能得到佢）；江西嘅贛州，瑞金，虔南；湖南嘅郴州，道州；武陵山；同埋貴州雲南全境！
而大粵嘅另一種形式，則係並唔局限於中國疆域範疇之內嘅，講白啲就係拖埋越南入局。
大粵嘅最大外延：以兩廣（經已包含海南在內）為核心，涵蓋港，澳，閩西南，贛南，湘南，黔，滇，越，甚至仲可以包埋柬，寮。
假如係要借普魯士奧地利之於德意志嘅歷史嚟套落大粵未來嘅分合走向度，噉我諗呢個未來大粵嘅“奧地利”一定係越南。越南立國於中國域外經已超過一千年，奧地利當初作為查理曼帝國最東邊嘅一個邊鄙衛星國，發展到可以雄霸歐陸嘅大帝國，使咗超過一千二百年嘅時間。
柬，寮之於越南，有如當年匈牙利，捷克之於奧地利。
越南向西向南睇要遠遠多過向北睇，自越南立國以嚟，佢嘅策略一直都係向西向南係攻，向北係防，一千年嚟冇改變過。
以我睇嚟，最有利於我哋粵人嘅係唔要越南嘅大粵。
點解俾斯麥當年力排眾議將奧地利排除出德意志統一進程之外，因為佢深知一山難容二虎嘅道理。
以越南今時今日嘅江湖地位，佢會甘心於屈服喺兩廣嘅裙下？諗都唔使諗！假如未來嘅大粵加埋越南，佢一定會同廣東爭到頭崩額裂，兩粵內訌，最大得益係邊個？唔使我講喇嘛！到時非但大粵復國兼一統冇望，分分鐘連越南自己都保唔著，畀北邊嘅支那乘機食埋。
呢樣就有如當年外蒙獨立，唔理內蒙點叫，佢就係理都唔理，一係費事嗱屎上身，二係費事請神容易送神難，多隻香爐多隻鬼。
其實呢，粵獨越南一定會支持，係心裡頭支持，但係就一定唔會賠埋成付身家嗰隻囉。
