我嘅身份就係粵人！


原作：芬記 2007-11-30

續寫：粵嚟粵掂 2007-12-01

拉丁粵文化：粵嚟粵掂 2007-12-08


我嘅姓雖然係大姓，而且可能仲有成億人添，之但係噉又點？即使我真係同北邊嘅中國有關，都係同二千幾年前嘅某個秦朝兵，又或者係一千幾年前嘅某個南遷落難農民有關，可能仲加埋佢哋嘅老婆。但係我嘅幾十世祖落到嚟嶺南呢塊偉大嘅土地之後，世世同嶺南嘅土著越女締結姻親，直到傳到落我呢代。所以，同我有關嘅，嶺南嘅越人祖先絕對係佔大多數。

歷史上各時段嘅越人，包括古南越人，狸獠人，佢哋首先喺南粵開天辟地，越人先至係嶺南嘅主人。越人嘅山山水水養育咗我哋嘅歷世先祖，越人嘅文化薰陶著我哋嘅歷世先祖，越人幫助咗我哋嘅歷世先祖喺嶺南安身立命，我哋嘅歷世先祖同越人世代交融相傳，直到形成今日嘅粵民族！我哋粵民族無愧係歷史上各時段越人嘅真正子孫！我對越有無限嘅敬仰同感恩！

人幾時出世，喺邊度出世，邊個生妳，都唔係由妳決定到嘅，妳嘅身體髮膚不過係一個軀殼嚟啫。但係妳之所以係妳，妳之所以係獨一無二嘅妳，決定妳嘅，唔係妳嘅身體髮膚，而係妳嘅靈魂！只有粵文化喺妳嘅心髓裡頭生根嘅時候，妳先至係真真正正，徹徹底底嘅粵人！所有攻擊粵文化嘅行為，都等同於攻擊緊你！所有損害、遺棄粵文化嘅人，都有愧於呢塊養育緊佢嘅土地，有愧於我哋粵民族嘅歷世先祖！


------------------------------------


ngo ge sanfan zau hai jyutjan ！


jyunzok ：fan gei 2007-11-30

zukse：jyut lei jyut dim 2007-12-01

laaiding jyutman faa ：jyut lei jyut dim 2007-12-08


ngo ge sing seoi jin hai daai sing，ji ce ho nang zung jau sing jik jan tim，zi daan hai gam jau dim？zik sai ngo zan hai tung bak bin ge zung gwok jau gwaan，dou hai tung ji cin gei nin cin ge mau go ceon ciu bing，jau waak ze hai jat cin gei nin cin ge mau go naam cin lok naan lung man jau gwaan，ho nang zung ga maai keoi dei ge lou po。daan hai ngo ge gei sap sai zou lok dou lei ling naam ni faai wai daai ge tou dei zi hau，sai sai tung ling naam ge tou zyu jyut neoi dai git jan can，zik dou cyun dou lok ngo ni doi。so ji，tung ngo jau gwaan ge，ling naam ge jyut jan zou sin zyut deoi hai zim daai do sou。

lik si soeng gok si dyun ge jyut jan，baau kut gu naam jyut jan，lei liu jan，keoi dei sau sin hai naam jyut hoi tin pik dei，jyut jan sin zi hai ling naam ge zyu jan。jyut jan ge saan saan seoi seoi joeng juk zo ngo dei ge lik sai sin zou，jyut jan ge man faa fan tou zyu ngo dei ge lik sai sin zou，jyut jan bong zo zo ngo dei ge lik sai sin zou hai ling naam on san laap meng，ngo dei ge lik sai sin zou tung jyut jan sai doi gaau jung soeng cyun，zik dou jing sing gam jat ge jyut man zuk！ngo dei jyut man zuk mou kwai hai lik si soeng gok si dyun jyut jan ge zan zing zi syun！ngo deoi jyut jau mou haan ge ging joeng tung gam jan！

jan gei si ceot sai，hai bin dou ceot sai，bin go saang naai，dou ng hai jau naai kyut ding dou ge，naai ge san tai faat fu bat gwo hai jat go keoi hok lei ze。daan hai naai zi so ji hai naai，naai zi so ji hai duk jat mou ji ge naai，kyut ding naai ge，ng hai naai ge san tai faat fu，ji hai naai ge ling wan！zi jau jyut man faa hai naai ge sam seoi leoi tau saang gan ge si hau，naai sin zi hai zan zan zing zing，cit cit dai dai ge jyut jan！so jau gung gik jyut man faa ge hang wai，dou dang tung jyu gung gik gan nei！so jau syun hoi、wai hei jyut man faa ge jan，dou jau kwai jyu ni faai joeng juk gan keoi ge tou dei，jau kwai jyu ngo dei jyut man zuk ge lik sai sin zou！