實物旗幟係一個陣營一種理念嘅外在標識 所以旗嘅圖樣尤其係國旗嘅圖樣 係一定要早啲定明嘅


實物旗幟係一個陣營，一種理念嘅外在標識：就好似一見到綠臺灣白十字旗，就畀人知道係自由臺灣；一見到雪山獅子旗，就畀人知道係自由圖博；所以，旗嘅圖樣，尤其係國旗嘅圖樣，係一定要早啲定明嘅。

其他嘅唔講字，現時喺大粵民國臨時政府網站LOGO上高青天白日徽標，好明顯有濃重嘅支那味道，必須剔除！青天白日係“前中華民國”嘅國徽，屬於典型嘅支那專用標誌，點可以安喺我大粵民國嘅國旗度？！我哋係要脫支獨立，凡係帶有明顯支那味道嘅嘢，都要毫不猶如噉剷除干淨！

我贊成上中下三色等分嘅國旗樣式。不過，現時大粵民國臨時政府網站LOGO上高支旗，最上高嘅黃色要飛咗佢，我哋並唔係咩“炎黃”，我哋係粵人，我大粵諸民族嘅直系先祖，係啡色膚色兼且帶有矮黑人種血統嘅古南越人，所以，應該用啡色替代最上高嘅黃色。上邊嘅啡色，代表我大粵諸民族嘅古南越源起。

現時LOGO支旗中間嘅藍色同下低嘅綠色，保留。中間嘅藍色，代表民主、海洋、睿智、永恆。粵內世居諸族嘅平等同民主，係我粵持久穩固嘅基石；我大粵族群同文明，有著顯明嘅海洋色調；我粵國民，理性而智慧；我粵國運，恆長而久遠。下低嘅綠色，代表自由、和平、生機。綠色，經已係自由嘅代表色，我粵覺醒，大粵獨立，係我大粵民國立國嘅核心理念；同睦鄰和平而有尊嚴噉共處，係我粵國民之所願；我粵地處東南亞北緣，北熱帶帶嚟嘅陽光同雨水，令我粵綠意泱然，生機勃發。

現時LOGO支旗中間嘅青天白日徽標，必須剷除！一定要換成我粵色彩濃重嘅標識！而我粵色彩濃重嘅標識，非木棉花莫屬！喺我大粵民國國旗嘅正中間，木棉花必須綻放！

大粵民國國旗，長寬比應該參照美英兩國國旗二比一嘅比例，同長寬比係三比二嘅比起身，會顯得更加飄揚更加壯觀。

drdoom嘅修改版：

青天白日係同孫中山有D關係，但佢更多同中華民國大一統思維有關。搞獨立當然希望有反共勢力嘅支持，但係脫離中國係前提，唔應該再喺民國係大粵人締造呢個歷史問題上掙扎。

現階段我同意粵嚟粵掂提議。但希望改為以下嘅顏色，我總覺得藍色同綠色都好刺眼，所以我調沉一D。而木棉花就真係要搵人設計下。（唔好抄南方航空果個標誌）