大粵節慶假日曆法討論
http://namyuekok.freeforums.org/topic-t1915.htmldrdoom_2009
Post subject: 大粵節慶假日曆法討論Posted: 04 Feb 2011, 18:27
粵先生提出農曆嘅問題，我覺得呢個話題好得意，因為呢個係探討人類對自身行為確立特定準則嘅探討。
世界有農耕文化嘅地方就有農曆，顧名思義就係教農民及時應該做乜嘢，好似美國有農曆，華僑叫佢做鬼佬通勝。大粵無論咩時候都有農民同耕作活動，按照上一代留存落嚟嘅日程做嘢表面科學。但諗深一層就怪誕，而家我哋用嘅農曆係古代嘅中原農民曆，果時嘅中原氣候同而家大粵嘅氣候點都冇得比，加上而家進入全球暖化期，跟中國農曆耕作做嘢就死得人多。美國唔同地方農曆就唔同跟英國農曆更加差別大，因為鬼佬識得變通，隨住氣候嘅變化地方唔同而改變耕作時間先至係科學。
農耕社會演變出嚟嘅節日，到咗工業社會就失去意義。春秋二祭對好多城市人嚟講其實好不可思議。至於邊日最凍大家唔好出街圍喺屋企倾偈就更喺現代社會難以體現。
鬼佬好多宗教節日其實係農耕節日嘅變異體，復活節係播種節日，萬聖節係準備秋收，感恩節係慶祝收成，聖誕節前後3日係白天最短夜晚最長，所以大家多啲留喺屋企。
假日就係現代工業社會產物，第一係畀繁忙嘅都市人多幾日休息，好似勞工節。第二就係搵個直口畀人消費。第三就係對某啲團體尊重而設立嘅節日。日本有黃金周，美國就會想辦法每個月都整出一個假日，而且放係星期一或者星期五，造成長假期。
我嘅見解大粵應該使用公曆，因為地球圍繞太陽計算時間比睇月亮準。我絕對拒絕搞年號，呢啲無聊嘅崇拜人類唔需要。所有日曆上頭應該去除中國農曆日期，同埋算命嘅相關資訊，全面廢除中國農曆喺任何地方運用。唯一允許風水命理協會統一出版規範化通勝。設立農業天文氣候所，根據唔同地方，氣候，教育農民耕作，按照氣候變化每年按各個地方出版農民曆。
假日選擇方面要做到政教分離，但又要合符經濟運作。聖誕節全球大部份股市都休假，好多工廠停產辦公，大粵果日要返工變咗好多行業都係拍乌蝇。而傳統嘅立春，清明，端午，中秋，重陽，冬至要同中國農曆脫離關係，把佢哋變成第幾月嘅第幾星期一或五，比如清明係公曆四月嘅第一個星期五，噉樣可以保留節日同製造長週末假期。
-------------------------
美國有農曆，華僑叫佢做鬼佬通勝。
--- 呢個有意思，我都係第一次聽聞。而家農曆裡頭嘅廿四節氣，居然有大雪小雪？認真搞笑，我哋大粵從嚟都唔落雪！呢個係支那文化殖民嘅典型顯然嚟！
大粵應該使用公曆，絕對拒絕搞年號。
--- 呢個絕對同意。
所有日曆上頭應該去除中國農曆日期，同埋算命嘅相關資訊，全面廢除中國農曆喺任何地方運用。
--- 呢個絕對同意。以後日曆還日曆，算命還算命，要睇時辰吉日、沖剋宜忌嘅，另是去買當造堪輿命理書。
設立農業天文氣候所，根據唔同地方，氣候，教育農民耕作，按照氣候變化每年按各個地方出版農民曆。
--- 呢個絕對同意。農用曆應該由每個聯邦實體自己頒令列出編寫指引，編寫指引要因應氣象同水利變化每年必須作出檢討，農用曆作為特種刊物要接受發行規管，每個聯邦實體編訂嘅當年用農用曆祇限本域發行，唔可以向全粵通街鋪貨。
傳統嘅立春，清明，端午，中秋，重陽，冬至要同中國農曆脫離關係，把佢哋變成第幾月嘅第幾星期一或五，比如清明係公曆四月嘅第一個星期五，噉樣可以保留節日同製造長週末假期。
--- 呢個絕對同意。以後農曆初一統一按立春計，亦即係公曆嘅2月4號，又或者將佢定喺公曆2月份嘅第一個禮拜五，仲有，呢個節嘅名應該改叫立春節，而唔係春節。
-------------------------
另外有啲傳統節日，諸如端午、中秋、重陽，同埋壯族嘅三月三、六月六，瑤族嘅盤王節，仲有嗰啲乜旦物旦之類嘅，佢具體嘅節慶日期往往會同農曆緊密相扣，再用幾月份嘅第幾個禮拜幾嘅做法顯然唔多妥，呢類節慶，就應該直接同公曆無縫接軌。例如端午就直接定喺公曆5月5號，三月三直接定喺公曆3月3號。
大粵嘅法定假日，可以大致分成時政類、宗教類、民俗類三類。
時政類法定假日諸如獨立日、建國日、解放日、民族覺醒日、公曆元旦、勞動節、教師節、兒童節、婦女節、青年節等等。應該將每年嘅7月25號定位大粵嘅民族覺醒日，因為呢一日，喺大粵本土首次爆發咗大規模嘅衛粵示威。
宗教類法定假日應該包括基督教同佛教嘅宗教節日，但係支那嘅道教唔在此列。大粵傳統嘅本土信仰，諸如波羅誕、城隍誕之類，要先同道教、佛教剝離，再獨立成節。大粵法定嘅基督教節日祇限聖誕節、復活節、萬聖節三個。大粵法定嘅佛教節日祇限佛誕、觀音誕兩個，而且要按公曆嚟計。大粵法定假日裡頭冇伊斯蘭教嘅節日，因為信眾好少。
民俗類法定假日，就粵潮哎畬瓊五族嚟講，包括立春、清明、端午、中秋、重陽、過冬六個節日。對壯岱儂黎四族最為重要嘅三月三、六月六；同瑤族嘅盤王節同樣要定為全大粵嘅法定假日，以示尊重。
-------------------------
drdoom_2009
Post subject: Re: 大粵節慶假日曆法討論Posted: 05 Feb 2011, 18:21
一年法定假日最好有10-12個左右，每個月一個，太多嘅話會影響生產。立春節係唔係要放3日長假希望大家討論下。
-------------------------
鬼佬對月圓一樣重視。
--呢個對我哋係一個好好嘅啟發嚟。
其實喺公曆裡頭，每個月至少會有一日係月圓日，大粵廢除支那農歷之後，我哋可以按公曆A月份月圓日之前或之後嘅第B日嘅方式嚟置換原嚟按支那農歷釐定嘅節慶日，若然再運用支那農歷嘅月份比公曆約莫要遲一個月嘅通則，噉呢個按公曆新釐定出嚟嘅節慶日新就更加適合時令喇。
舉兩個例：
端午節 -- 公曆6月份月圓日之前嘅第10日。
端午節又叫龍船節。端午節原嚟係按支那農歷五月初五嚟計，支那農歷嘅月份比公曆約莫要遲一個月，大粵廢除支歷後按公曆6月份月圓日之前嘅第10日作為節慶日。
中秋節 -- 公曆9月份嘅月圓日。
中秋節原嚟係按支那農歷八月十五嚟計，支那農歷嘅月份比公曆約莫要遲一個月，大粵廢除支歷後按公曆9月份嘅月圓日作為節慶日。公曆8、9、10月份正值大粵嘅秋季，9月啱啱係秋季正中嘅月份。
-------------------------
我計過，法定假日即使一共24個，合計放假34日亦唔會影響到生產。
一年365日，除以7，即係一年有52個禮拜；每個禮拜做五日嘢，噉唔計法定假日一年有261個工作日，除以12，即係每個月做嘢21.75日，再乘8，得出174個小時，呢個係每月嘅極限工作時數。
若然減去呢34個帶薪假日，噉一年有227個工作日，攤均每月做嘢18.9日，乘8，得出每月工作時數為151.2個小時。老實講，噉未算過份福利，好多歐美國家每月工作時數都祗有140個小時。
-------------------------
大粵民國國定曆法及法定假日法案
http://namyuekok.freeforums.org/topic-t1953.html
