大粵嘅首都揀擇


我哋嘅國號係大粵（英文係CANTONIA），唔係大越，喺兩廣未同越南統合之前，國號依然會係大粵，首都依然要定喺廣州（英文係CANTON）。當然，廣東統合廣西，為咗平衡僮族利益願望，維護粵僮聯盟嘅穩固，可以將南寧定為陪都。或者以廣州為行政首都，南寧為立法首都同司法首都。

亞乜生嘅定都設想係建基喺兩廣，雲貴，越南，寮柬統合成一大國嘅基礎之上嘅，但係呢個設想眼前嚟講好遙遠。

現實啲講，我哋家下要嘅係粵國而唔係越國，粵國最最基本嘅疆域係廣東嘅中部西南部同北部，呢個區域係粵國嘅核心，粵國開基所在。控制呢片區域，係粵國建國所必須達成嘅一個最最基本嘅任務。然之後先係廣西粵區，潮客瓊黎，僮儂岱瑤，統合晒呢啲地方，就可以話完成嶺南合統。從粵國開基到嶺南合統，粵國嘅政治中心都唔適宜離開佢嘅祥興之地：廣東。

喺戰術層面講，好多國家嘅首都都係易攻難守，包括廣州。但係空氣清新，水源干淨，易守難攻，亦唔係選擇首都嘅必要要素。德天嗰邊直到嶺南合統呢個階段，亦僅僅處喺粵國西南邊境之地，講真嗰句，搵嗰度嚟做粵國奠立初期反支部隊嘅根據地指揮中心啱啲，起碼可以及時得到嚟自越南嘅支援給養。

對於越南，我一向嘅睇法都係有限度借力，過於張揚，恐怕會喺粵人裡頭產生強烈嘅抵制，我哋大粵係越南嘅盟邦，而唔應該係越南嘅傀儡，呢一點係粵國奠立之初所應謹守嘅粵越關係嘅要則。假如將首都定係粵越邊境嘅德天，睇怕連傻仔都會指指點點。

假如真係想要個風水寶地嚟建都，亦根本冇必要離開粵族人嘅核心分佈區，譬如我一早就有諗過嘅：羅定！羅定地處兩廣粵區嘅交匯中心，四面環峙高山，中間係靈秀嘅羅定盤地，物產富饒，搵嗰度嚟做陪都兼戰時首都就至理想。