即使畀美國主宰南海事務 亦唔見得大粵喺南海嘅利益會有增進


對於南海諸島，粵獨應該持一個噉嘅立場，就係：即使爭唔得晒，亦唔可以對南海諸島作出放棄，尤其喺外交層面嘅表態同表述，更唔可以有半步退讓。若然唔係，粵獨就會即刻畀啲粵奸攻擊，話我哋賣粵。

粵獨亦應該反對同南海爭端無關嘅國家介入，將南海諸島畀美國托管更加屬無稽之談。既然認定南海諸島係我哋嘅地方，做乜要畀美國托管？我哋點包保美國以後一定會將呢啲“托管地”原封不動絲毫唔差一個不漏噉畀返我哋？假如美國佬將呢啲地方畀咗第個點算？係咪要同美國死過？假如唔同美國死過，大粵政府又點回應大粵境內興合合嘅民意？

大粵親美係必然嘅，但係冇必要畀美國主宰南海事務。南海爭議應該由各爭議方談判解決，而唔係畀美國佬揸晒Fit呢個島畀過個嗰個島畀過個，噉搞法當聯合國死咖？當東盟（大粵必定會謀求加入東盟）死咖？

而且，我哋反支那就夠，冇必要反俄羅斯，粵俄冇任何利益衝突，俄羅斯同支那亦唔會結成真正嘅聯盟。

如果形勢唔係特別危殆，大粵完全冇必要畀美軍駐粵，同時，大粵亦要向港澳表明，假如外軍進駐港澳，大粵會極之關切，因為，呢啲駐港澳外軍可能會對大粵嘅安全不利。粵軍嘅軍火亦唔可以齋靠美歐供給，要開拓日俄印以式裝備供應窿路。俄羅斯可以供應先進裝備畀印度越南以制衡支那，大粵同樣可以以呢個理由要求俄羅斯賣先進裝備畀我哋。

大粵有潛能成為一等強國，大粵唔應該甘心永遠做美國嘅衛星國，大粵應該奉行類似印度嘅外交，大粵嘅外交應該有主見性，而唔係日韓澳紐式嘅單一親美。坦白講，我唔相信美國會為咗大粵而冒險同支那開戰。