一步到位：我粵所要追求嘅極致民主！韓臺就係標版


我哋不妨對而家全球嘅民主陣營同獨裁陣營進行一個簡潔啲嘅分類統計：

極致民主：產生喺有悠久民主傳統嘅好有米國家裡頭（譬如美加、澳紐、西歐列國），又或者產生喺冇悠久民主傳統嘅好有米國家裡頭（譬如日本、臺灣）。

瑕疵民主：產生喺冇悠久民主傳統嘅有啲米國家裡頭（譬如印度、泰國），又或者產生喺有悠久民主傳統嘅有啲米國家裡頭（譬如拉美列國）。

極致獨裁：產生喺冇任何民主傳統嘅好冇米國家裡頭（譬如蘇丹、北韓），又或者產生喺冇任何民主傳統嘅有啲米國家（譬如支那、伊朗）裡頭。

瑕疵獨裁：產生喺冇任何民主傳統嘅好有米國家裡頭（譬如沙特、汶萊）。

從上邊我哋可以睇到：

喺極致民主同極致獨裁之間，有的朵共集，就係有米，不過米嘅多少兩者有明顯差異，正因為呢種“米”（經濟發展、社會發育）差異嘅存在，注定現時嘅極致獨裁政權冇可能向極致民主一步蛻變到位，除非呢個政權嘅總體“米”程度達到民主化前夜嘅韓臺水準。

界乎於極致民主同極致獨裁之間嘅，係瑕疵民主同瑕疵獨裁。而喺極致獨裁同瑕疵民主、瑕疵獨裁之間，亦有一個共集，亦都係米。相對於極致獨裁到極致民主嘅一步到位，從極致獨裁向瑕疵民主過渡係更加有現實意義嘅選項。既然支那“米”嘅程度未達到美歐嘅水準，支那就需要印度式嘅窮鬼民主！當然，以現時我粵同HK馬交嘅發展水平，印度式瑕疵民主唔啱我哋，韓臺一步到位式嘅蛻變至係我哋追求極致民主嘅楷模。