粵文嘅拉丁化起步



其實我覺得最緊要嘅係有一大批拉丁化粵文作品出街，噉先至係拉丁化企穩陣腳最最關鍵嘅地方！

粵拼同耶魯兩套系統係目前應用最廣同認受性最高嘅粵語拼音體系，粵文嘅拉丁化起步，一定係建基喺呢兩套體系之上。至於邊套先係“正宗”，唔去爭著先，關鍵係先有拉丁化粵文作品出街！

對於標調，呢篇嘢有講：探討兩套粵文羅馬字嘅聲調標示方法 。

我用慣粵拼，探討兩套粵文羅馬字嘅聲調標示方法裡頭嘅第二套標調方法我覺得幾合理，往後我會用呢兩樣嘢相交融嚟原創拉丁化粵文。

鍾意耶魯系統嘅朋友，可以一如既往噉用佢嚟標調創作拉丁化粵文。

呢度冇標準，呢度冇統一，呢度冇權威；呢度有嘅係各施各法，呢度有嘅係百花齊放。拉丁化粵文；羅馬字粵文；拼音化粵文；漢羅體粵文；繁體漢字粵文；簡體漢字粵文；呢度都有佢展示嘅空間。