“中國”經歷同感受 催生逆向嘅獨立思潮



有種逆向嘅思維方式係值得讚揚嘅，廣東就係粵嘅中心，兩廣（海南屬廣東嘅一部分）合埋一齊就係大粵！

“南粵”呢個稱呼好貼切嘅突然咗現時我哋粵地嘅政治處境，現時粵喺“中國”嘅範疇之內的確係“南”，就好似圖伯特喺“中國”嘅範疇之內的確係“西”一樣（所以中國將Tibet叫西藏），又或者，東突厥斯坦（維吾爾斯坦）喺“中國”嘅範疇之內的確係“新”（所以中國將東突厥斯坦叫新疆）。

呢篇嘢好耐之前就寫落嘅，寫呢篇嘢最初嘅目的，就係要畀現時處喺中國殖民統治之下嘅“南粵”民眾醒醒腦嘅！呢篇嘢裡頭隱含著好多“一個中國”嘅思維模式，不過呢啲諗嘢嘅方式同睇嘢嘅視角，對我嚟講，已經漸行漸遠。

民進黨嘅始創元老有好多都有“中國”經歷同感受，佢哋都係因一事因某個趨勢而觸發咗佢哋內心對現實政治嘅強烈反思，逆向嘅思潮隨即誕生，之後有著類似思維嘅人聚集埋喺一齊，民進黨於是就噉形成。

喺大粵，現時唔少粵族人正處喺“中國”經歷同感受嘅掙扎之中，大凡生長喺大粵本土嘅土生粵族人，佢要真正成為一個具粵獨理念嘅人士，必定要過呢一關。點解？咪皆因我哋大粵而家嘅政治處境係中國嘅殖民地，我哋大粵嘅民眾從細到大都係接受北邊異族--漢人嘅奴化洗腦教育嘅！我都自然唔會例外，我之前就過緊呢一關，呢篇嘢就係當其時嘅產物。

搞清楚，係臺灣撈先至唔魯禮陳先生，真正本土嘅臺灣人係唔會咁輕易拋棄佢嘅。佢，畢竟係一面旗幟，佢用實質嘅行動嚟踐行著臺灣本地薑所不懈追求嘅自由理念，佢經已成為呢種理念嘅一個化身，甚至乎比佢嘅前任更深得綠營嘅人心。