反制殖民霸權嘅論調



顯而易見，現時大粵嘅宗主國就係中國！大粵係中國嘅殖民地！

假如殖民地同宗主國本土並唔相連，噉就叫「擺脫」某國殖民統治獨立。假如殖民地同宗主國本土係相接壤嘅，噉就擇使啲囉，呢種情形當然可以套用「擺脫」某國殖民統治獨立，但係亦都好易畀人話妳搞緊「分裂」，點解？咪皆因宗主國嘅本土版圖縮咗水囉。

假如殖民地並冇併入宗主國嘅本土疆域之內，宗主國國民通常對海外殖民地嘅脫離就唔會太過抱激烈反彈嘅態度。

但係如果殖民地同宗主國嘅本土已經連成一體（好似大粵，西藏，新疆，福建，香港，澳門之於中國；西伯利亞，車臣之於俄國；德州，加州之於美國；魁北克之於加拿大；撣邦，克倫，克欽，阿拉幹之於緬甸；南方馬來四府之於泰國；阿薩武，克什米爾之於印度；巴布亞，亞齊之於印尼；庫爾德之於土耳其；蘇格蘭，威爾士之於英國；阿爾薩斯之於法國；科索沃之於塞爾維亞；巴斯克之於西班牙；夸祖魯之於南非；摩洛之於菲律賓；達爾富爾，尼洛特之於蘇丹）又或者距離好近，隔海而望（好似臺灣之於中國；柯尼斯堡之於俄國；琉球之於日本；以前嘅阿爾及利亞同而家嘅科西嘉之於法國；布幹維爾之於巴布亞新畿內亞，桑給巴爾之於坦桑尼亞），噉嚟自宗主國主體國民嘅反對情緒並由此衍生出嚟嘅強大阻力就會變得好惡搞。諸如乜嘢「分裂勢力」，「分離主義」，「叛國」，「反革命」會鋪天而至。點樣去反制呢啲咁霸權嘅論調，係往後我哋探求大粵自由民主之路上高必然要做嘅事，而家我哋就應該諗諗點樣去展拓攻克呢個理論嘅盲區，以完善我哋粵右嘅粵獨理論體系。