咩叫做撈？點至算係撈？


妳似乎連點樣介定“撈”都未曉啵！二千年前落嚟嘅妳又叫撈，一千年前落嚟嘅妳又叫撈，幾百年前落嚟嘅妳又叫撈，凡係喺北邊落嚟嘅都畀妳叫做撈！

對我哋粵人嚟講，“撈”係一個時效性同地域性都好強嘅概念，點樣去界定“撈”嘅範疇，係好有考究嘅，因為呢個釐定關乎到我哋粵民族自身嘅定性同定位！

喺地理上嚟講，南盤江--五嶺--武夷山--閩浙邊界一線以北就係撈地。呢條線以南就係大粵同閩臺。除咗兩廣之外，福建同臺灣亦唔喺“撈”嘅地理範疇之內。

而以時段性嚟睇，蒙元末年以後，喺撈界以北落嚟嘅先至為之撈；而喺五代至兩宋至蒙元期間落嚟嘅，就係客家，客家其實就係“先撈”嚟；自秦至唐，喺北邊落嚟嘅，都算係華夏，呢裡頭又分成秦華，晉華，唐華三波華夏入粵嘅浪潮。只有同時符合呢兩個定義“撈”嘅要素，先可以稱得上係真真正正嘅撈！

妳一方面喺度講嗰啲咸臭“史書”係唔會講大話嘅，而一個屈尾十妳又喺度引述嗰啲所謂嘅“專家”嚟否定史書上高記載嘅五十萬秦兵入粵嘅史實，妳嘅論調都幾矛盾幾混亂下啵！包括兩廣在內嘅成個大粵，佢嘅陸地疆域總面積達到四十六萬平方公里！足足有兩個英國或者五個韓國咁大！平均起身每一平方公里先至有一個秦兵，以噉嘅分佈密度，仲叫好多咩？

當年秦始皇係先令屠雎率五路合共五十萬大軍入粵嘅，喺呢五路大軍裡頭，有四路係由原嚟秦征楚嗰六十萬兵馬嘅主力組建，呢四路由北邊入粵；而另一路則係由秦征閩越戰場抽調過嚟，呢一路由東邊入粵。好顯然，秦軍嘅主力係先集結喺粵楚邊境，再行入粵。秦軍入粵嘅途徑，除咗為世人所熟知嘅漓湘古道之外，仲有賀瀟古道，連沱古道，韶郴古道同梅漳古道。五路秦軍沿著呢五條古道依次入粵，而並唔淨係入得嗰三道！其中漓湘線入粵嘅秦軍係先鋒，所以遭到古越人嘅打擊最多，兵員折損亦最眾，甚至連屠雎自己都幸免唔到，戰死喺桂林之地。

冇漢武嘅征服，就冇今日嘅粵民族？妳啲係咩邏輯？喺古代小農自給嘅社會，農民對土地係好眷戀嘅，除非有兵災，否則嘅話平民百姓係唔會冚家遷去第度，尤其係一啲好“蠻荒落後”嘅埞方，比如兩廣交趾。兩漢政局大體太平，除咗後漢發生過馬援討伐交趾貳征嘅戰事，漢朝真係冇喺大粵有過啲咩大搞作。既冇大規模屯兵又冇大規模移民，終漢一代，大粵所延衍嘅，都只係南越帝國同秦朝嗰陣所打落嚟嘅根基咋！漢朝對大粵，猶如棄兒，不聞不問，佢淨係要妳唔好搞事出嚟畀佢嘆就得喇！其他嘅嘢，妳死妳賤，佢一於冇眼睇。兩漢喺大粵所施行嘅係愚民政策，有眼睇兩漢據粵三百幾年間，我哋粵地出過啲咩大人物？一個都冇！同南越帝國同秦朝嗰陣相比，簡直係大倒退！

粵族自治區？我哋粵民族先至唔稀罕啲咩有名無實嘅所謂“自治區”吖！要都要啲實際啲嘅民族自決方案喇！